KF Tirana Info

KF Tirana - Kampion Kombetar per ekipin U-19 !

Pasi ka mposhtur 2-0 ne finale ekipin e Tepelenes.

Tirana - Tepelena 2-0

Tirana: Rodi, Plumbi, Omuri, Celiku, Luga, Loku (Demiri 46'), Kreka (Hysa 60'), Metani (Shehu 94'), Fagu, Sefa, Fjolla. Trajner: I.Muca

Tepelena: Bega, Xherahu (Dervishi 46'), Peka, Duka, Harka, Pashako, Dajti (Nika 80'), Lame, Veliu, Hoxha (Cocoli 46'), Cuco.
Trajner: L.Guri

Shenues: Fagu 19', Sefa 21'(11 m)
Gjyqtare: A.Janku, E.Doda, G.Qirici (Tirane)
Kartone te verdhe: Duka, Plumbi, Pashako, Celiku
Karton i kuq: Harka

Finalja e kampionatit kombetar te te rinjve i ka buzeqeshur ekipit bardheblu, i cili ka fituar paster me rezultatin 2 0. Ndeshja e zhvilluar ne stadiumin "Selman Stermasi" u ndoq nga nje numer i konsiderueshem tifozesh. Tribuna "VIP" ishte e mbipopulluar nga shume personalitete te futbollit. Te dy ekipet u futen shume te mobilizuara ne fushe. Ne minutat e para te takimit, ekipi tepelenas ndermori shume aksione, por sulmuesit e saj gabonin ne finalizim. Nga ana tjeter, ekipi tiranas ishte me i qete ne loje dhe perdorte kundersulmin e shpejte, duke zene disa here ne befasi mbrojtjen tepelenase. Nga nje kundersulm do te vinte edhe goli i avantazhit per tiranasit, ku mesfushori Sefa pason bukur te Fagu, i cili kalon edhe portierin dhe nuk e ka te veshtire te shenoje me porten e boshatisur. Ky gol u jep zemer lojtareve bardheblu. Pa kaluar akoma dy minuta nga goli eshte perseri Sefa, i cili pengohet brenda zones nga nje mbrojtes tepelenas dhe gjyqtari Janku akordon njembedhjetemetersh ne favor te Tiranes. Kjo penallti u kontestua shume nga trajneri tepelenas, i cili debatoi ashper me kryesorin Janku. Penalltine e merr persiper po Sefa dhe shenon me nje gjuajtje te bukur ne te djathte te portierit Bega. Me pas, loja u be me e bukur, pasi tepelenasit po e kerkonin me ngulm golin, por mbrojtja tiranase ishte ne lartesine e duhur, duke e mbuluar mjaft mire sulmuesin kryesor te tyre Cuco. Ne pjesen e dyte, ekipi tepelenas u hodh i teri ne sulm ne kerkim te golit, por Lame, Veliu dhe Duka humbasin raste te pastra per shenim. Gjate kesaj pjese Tirana e administroi mire rezultatin dhe ishte me e qarte taktikisht. Ne minuten e 32 te te takimit, pas nje perplasjeje ne lufte per topin midis Fjolles dhe Dajtit, ky i fundit humbet ndjenjat dhe per disa minuta tifozet u vune ne panik. Ndeshja perfundoi 2 0 ne favor te Tiranes. Trofeun e kampionatit kapitenit te Tiranes, Loku, ia dorezoi trajneri kombetares U 19, Shpetim Duro. Duhet thene se loja e te dyja skuadrave e justifikoi interesimin e sportdashesve.
Pas ndeshjes, trajneri i Tiranes, Ilir Muca, deklaroi: "Jam i kenaqur me lojen qe zhvilluan djemte, te cilet i zbatuan shume mire detyrat e dhena dhe u treguan racionale ne loje."
Trajneri i Tepelenes, Luftar Guri, ishte mjaft i revoltuar, pasi, sipas tij, fitoren Tiranes ia dha njeanshmeria e gjyqtarit Janku.

Tirana U-17 - kampione për sezonin 2006-2007 !

Tirana - Lushnja 2 : 1

Tirana: Kuka, Përpunja, Gjuzi, Kuçi, Çeliku, Jata (Mersini 63'), Duqi, Gjipali, Muço (Hoxha 62'), Zalta, Krashi (Nurja 41').

Trajner: B.Vladi Lushnja: Çako, Pupe, Pepa, Ruci, Gega (Çaushi 65'), Veliu, Baze, Liçka, Gjika, Çemeri, Tashi (Koreshi 53'). Trajner: G.Taullau

Shënues: Kuçi 2', Licka 10', Veliu (aut) 17'

Gjyqtarë: E.Dobi (Durrës), L.Mustafaraj, R.Avdo (Tiranë)

Kartonë të verdhë: Gjuzi, Jata / Liçka
Karton i kuq: Gjuzi

Ky takim u zhvillua në stadiumin "Selman Stërmasi", një finale midis ekipive të Tiranës dhe Lushnjës, të cilat kishin dalë në vendin e parë në grupet përkatëse. Takimi ngjalli interesimin e mjaft sportdashësve, të cilët kishin ardhur për të ndjekur lojtarët e të ardhmes së futbollit shqiptar. Loja filloi menjëherë në sulm për Tiranën. Në minutën e dytë, pas një aksioni të rrjedhshëm, Kuçi gjendet i lirë brenda zonës dhe shënon pa vështirësi, 1 0 për bardheblutë. Lushnjarët nuk demoralizohen dhe sulmojnë menjëherë. Pepa godet me kokë pas një krosi nga e djathta të Gjikës, por topi përfundon pak centimetra mbi tra. Të dy ekipet luajnë të hapura me dëshirën për fitore. Në minutën e 10-të vjen dhe goli i barazimit, ku Pupe depërton në qendër të zonës dhe topi i gjuajtur prej tij devijohet nga një mbrojtës dhe shkon tek Liçka, që godet saktë dhe barazpeshon gjithçka. Miqtë, pas golit të barazimit, i presin bardheblutë në gjysmëfushën e tyre dhe kundërsulmojnë rrezikshëm. Në një prej rasteve, Gjika gjendet i lirë në hyrje të zonës, por godet lehtë. Eshtë minuta e 17-të dhe Tirana dyfishon rezultatin. Duqi gjendet përballë portierit Cako dhe në momentin e goditjes, ndërhyn Veliu, i cili detyrohet të shkaktojë një autogol, duke ndëshkuar ekipin e tij. Tirana gjendet përsëri në avantazh dhe në vazhdim administron mirë lojën. Ndërkohë, Lushnja nuk pajtohet me rezultatin dhe hidhet në sulm. Në fundin e pjesës së parë, organizatori Baze, pas një goditje dënimi nga krahu i djathtë, gjuan bukur, por topi gjen duart e portierit Kuka. Me shifrat 2 1, skuadrat i drejtohen dhomave të zhveshjes. Pjesa e dytë, ashtu si fillimi, nis më mirë për Tiranën.

Nga një aksion i nisur nga krahu i djathtë, Muço jep një asist me kokë për Zaltën që gjuan bukur, por kundërpërgjigjet me të njëjtën mënyrë portieri Cako. Pas këtij rasti, janë paratërinjtë lushnjarë që marrin në dorë frenat e lojës. Mesfushori Pupe godet një top në formë parable, por Kuka grushton në trekëndëshin e djathtë të tij, duke nxjerrë topin në korne. Vazhdimi i lojës do të jetë një duel i sulmeve lushnjare me mbojtjen bardheblu. Organizatori Baze shkarkon të majtën e tij nga rreth 25 metra, duke vënë në vështirësi portierin Kuka. Janë minuta që flasin për Lushnjën, që është hedhur e tëra në sulm për të shënuar golin e barazimit. Tirana, që pjesën e dytë e ka bazuar lojën tek kundërsulmi, rifreskon vijën sulmuese me Hoxhën, ndërsa trajneri Taullau ndërron skemë duke luajtur me tre sulmues. Pepa ka rastin më të mirë për të barazuar, ku nga një goditje këndi, gjendet i lirë pak metra para portës, por gjuan jashtë. Për Tiranën vështirësohen gjërat, kur në fund të takimit gjendet me 10 lojtarë, pas daljes me karton të kuq të Gjuzit. Lushnja kërkon golin, por mbrojtja e ngjeshur e Tiranës dhe portieri Kuka, që ishte në një ditë të mirë, nuk lejojnë të ndryshojë rezultati.

Përfundimisht 2 1 dhe Tirana e drejtuar nga Besim Vladi është kampione e Shqipërisë për U 17. Një sukses i merituar ky për bardheblutë, të cilët edhe në takimin e play-off-it arritën të mundnin Shkëndijën e Tiranës. Thanë pas ndeshjes: Besim Vladi, trajneri i Tiranës: "Ishte një rrugë e gjatë, por që në fund ia dolëm me sukses. Në ekip ka lojtarë të talentuar që do të jenë e ardhmja e futbollit. Përgëzoj dhe Lushnjën, që ka një ekip mjaft të mirë dhe sot zhvilloi një ndeshje të bukur." Zalta, kapiteni i Tiranës: "Jam shumë i gëzuar që u shpallëm kampionë. Suksesin e arritur ua dedikoj çunave dhe padyshim profesorit për punën e palodhur." Gafurr Taullau, trajneri i Lushnjës: "I uroj Tiranës suksese. Besoj se të gjithë e panë që jemi një ekip i mirë dhe me të ardhme. Kjo është më e rëndësishmja për ne." Të veçanta: - Kupën, kapitenit të Tiranës Zalta, ia dorëzoi shefi i sektorit të të rinjve në FSHF, Ilir Shulku. - Tifozët e Tiranës duartrokitën pas mbarimit të ndeshjes lojtarët lushnjarë për lojën e bukur që zhvilluan.

(U-19) Flamurtari - Tirana 1-0

FLAMURTARI: Maze, Myrtaj, Banushi, Azizaj, Mane (Bisha 65’),
Sherameti, Çaushaj, Shakaj, Hajrullai (Idrizi 50’), Dalipaj (Gjondeda
80’), Shabani (Hitaj 60’). Trajner: A.Behari

TIRANA: Kuka, Gjuzi, Kuçi, Xhaka (Gjino 60’), Hasa, Omuri, D.Muço
(Zalta 46’), Vrapi, G.Muça, Gjoka, Roca. Trajner: I.Muça

SHËNUES: Azizaj 35’
GJYQTARË: M.Qose, L.Alla, E.Prifti (Lushnjë)
KARTONË TË VERDHË: Gjuzi, Gjoka

Pas humbjes së një jave më parë ndaj Teutës, Flamurtari kthehet te
fitorja ndaj Tiranës dhe tani është më pranë kreut. Ky takim i prapambetur
është zhvilluar dje në aneksin e stadiumit “Flamurtari”, të cilin e
ka ndjekur edhe kryetari i Bashkisë së Vlorës, Shpëtim Gjika, gjithashtu
sekretari i klubit, Geri Çipi. Loja nisi me një gjuajtje të Shabanit, që
kërcënoi portën e Kukës. E gjithë pjesa e parë është zhvilluar nën
presionin e vlonjatëve, por me raste të pashfrytëzuara nga Shabani,
Çaushaj, Myrto etj. Vetëm në minutën e 35-të, në një aksion model,
Azizaj realizon një gol të bukur brenda zonës së kundërshtarit. Në
pjesën e dytë, bardheblutë i japin më shumë përparësi lojës sulmuese,
duke rrezikuar me anë të Hasës dhe Gjokës. Flamurtari humb disi
përqendrimin dhe nuk arrin të dyfishojë. Loja zhvillohet e ekuilibruar
deri në fund dhe nëse portieri Maze nuk do të devijonte topin e gjuajtur
nga Gjoka, rezultati mund të barazohej.

(U-17) Flamurtari - Tirana 3-0

FLAMURTARI: Hasani, Kanani (Gjonbitri 70’), Dëraj (Osmanaj
41’), Hyso, Koçani, B.Xhaferaj (Shehu 60’), Veshaj, K.Hitaj
(Pashaj 60’), Xhelili, Nelaj (Koçani 48’), B.Hitaj. Trajner: A.Nini

TIRANA: Dobi, Sula (Kaimi 60’), Bejleri, Allmeta, Sulejmani (Ziu
55’), Morina, Damo (Nallbani 65’), Zijai, Burraci (Bega 73’), Hasaj
(Skënderi 41’), Xhuranti. Trajner: B.Metani

SHËNUES: Xhelili 7’, 56’, Xhaferaj 30’
GJYQTARË: L.Alla, E.Prifti, M.Qose (Lushnjë)
KARTONË TË VERDHË: K.Hitaj, Hasani

Flamurtari ka fituar pastër me rezultatin 3-0 ndaj Tiranës, në
ndeshjen e prapambetur, e cila u zhvillua dje në aneksin e stadiumit.
Me këtë triumf, vlonjatët parakalojnë bardheblutë në
klasifikim, duke u ngjitur në vendin e gjashtë me 25 pikë. Aktualisht,
ekipi vlonjat i paratërinjve po kalon një formë të mirë fizike.
Edhe ndaj Tiranës, vendësit zhvilluan një lojë të mirë, duke e
mposhtur kundërshtarin në të gjitha drejtimet. Pas krosimeve
nga krahët, të Veshajt e Kaçanit, futbollistët Xhelili e Xhaferaj
tundën tri herë rrjetën e portës së mbrojtur nga Dobi. Aksionet e
Tiranës ishin sporadike dhe në asnjë rast nuk mundën të rrezikonin
portën e vlonjatëve. Pjesa e parë u mbyll 2-0, ndërkohë që në
minutën e 56-të, Xhelili shënoi golin e tretë dhe të dytin personal.
Tashmë, Flamurtarit të drejtuar nga Ardian Nini, i duhet të zhvillojë
edhe një ndeshje të prapambetur, atë ndaj Teutës, ku tri pikë
do të ishin mjaft të rëndësishme.

U-19
Liga Superiore,Java 8-te (02/11/2009)
KF Tirana - KF Laci 3-2

Tirana U-19 fitoi në shtëpi 3-2 me Laçi U-19. Takimi ishte i vlefshëm për javën e 8-të të kampionatit të moshave U-19, Kategoria Superiore. Golat për Tiranën u shënuan nga Bregaj dhe Morina (2). Për Laçin realizuan Lika dhe Rrushi.

Renditja
1. Vllaznia 22
2. Tirana 18
3. Elbasani 15
4. Shkëndija Tirana 14
5. Partizani 11
6. Teuta 10
7. Laci 10
8. Flamurtari 9
9. Shkëndja Durrës 9
10. Shkumbini 8
11. Besa 8
12. Dinamo 7
13. Pogradeci 4
14. Lushnja 3

U-17
Liga Superiore,Java 8-te (02/11/2009)
KF Tirana - KF Laci 1-0

Tirana U-17 fitoi në shtëpi 1-0 me Laçi U-17. Takimi ishte i vlefshëm për javën e 8-të të kampionatit të moshave U-17, Kategoria Superiore. Golin e vetëm të takimit e shënoi Xhaferrasi.

Renditja
1. Vllaznia 17
2. Flamurtari 16
3. Besa 13
4. Skënderbeu 12
5. Laci 12
6. Partizani 11
7. Elbasani 10
8. Shkëndija Tirana 8
9. Shkumbini 8
10. Teuta 8
11. Tirana 7
12. Dinamo 7
13. Lushnja 6
14. Shkëndija Durrës 3