KF Tirana Info

KF Tirana - Kampion Kombetar per ekipin U-19 !

Pasi ka mposhtur 2-0 ne finale ekipin e Tepelenes.

Tirana - Tepelena 2-0

Tirana: Rodi, Plumbi, Omuri, Celiku, Luga, Loku (Demiri 46'), Kreka (Hysa 60'), Metani (Shehu 94'), Fagu, Sefa, Fjolla. Trajner: I.Muca

Tepelena: Bega, Xherahu (Dervishi 46'), Peka, Duka, Harka, Pashako, Dajti (Nika 80'), Lame, Veliu, Hoxha (Cocoli 46'), Cuco.
Trajner: L.Guri

Shenues: Fagu 19', Sefa 21'(11 m)
Gjyqtare: A.Janku, E.Doda, G.Qirici (Tirane)
Kartone te verdhe: Duka, Plumbi, Pashako, Celiku
Karton i kuq: Harka

Finalja e kampionatit kombetar te te rinjve i ka buzeqeshur ekipit bardheblu, i cili ka fituar paster me rezultatin 2 0. Ndeshja e zhvilluar ne stadiumin "Selman Stermasi" u ndoq nga nje numer i konsiderueshem tifozesh. Tribuna "VIP" ishte e mbipopulluar nga shume personalitete te futbollit. Te dy ekipet u futen shume te mobilizuara ne fushe. Ne minutat e para te takimit, ekipi tepelenas ndermori shume aksione, por sulmuesit e saj gabonin ne finalizim. Nga ana tjeter, ekipi tiranas ishte me i qete ne loje dhe perdorte kundersulmin e shpejte, duke zene disa here ne befasi mbrojtjen tepelenase. Nga nje kundersulm do te vinte edhe goli i avantazhit per tiranasit, ku mesfushori Sefa pason bukur te Fagu, i cili kalon edhe portierin dhe nuk e ka te veshtire te shenoje me porten e boshatisur. Ky gol u jep zemer lojtareve bardheblu. Pa kaluar akoma dy minuta nga goli eshte perseri Sefa, i cili pengohet brenda zones nga nje mbrojtes tepelenas dhe gjyqtari Janku akordon njembedhjetemetersh ne favor te Tiranes. Kjo penallti u kontestua shume nga trajneri tepelenas, i cili debatoi ashper me kryesorin Janku. Penalltine e merr persiper po Sefa dhe shenon me nje gjuajtje te bukur ne te djathte te portierit Bega. Me pas, loja u be me e bukur, pasi tepelenasit po e kerkonin me ngulm golin, por mbrojtja tiranase ishte ne lartesine e duhur, duke e mbuluar mjaft mire sulmuesin kryesor te tyre Cuco. Ne pjesen e dyte, ekipi tepelenas u hodh i teri ne sulm ne kerkim te golit, por Lame, Veliu dhe Duka humbasin raste te pastra per shenim. Gjate kesaj pjese Tirana e administroi mire rezultatin dhe ishte me e qarte taktikisht. Ne minuten e 32 te te takimit, pas nje perplasjeje ne lufte per topin midis Fjolles dhe Dajtit, ky i fundit humbet ndjenjat dhe per disa minuta tifozet u vune ne panik. Ndeshja perfundoi 2 0 ne favor te Tiranes. Trofeun e kampionatit kapitenit te Tiranes, Loku, ia dorezoi trajneri kombetares U 19, Shpetim Duro. Duhet thene se loja e te dyja skuadrave e justifikoi interesimin e sportdashesve.
Pas ndeshjes, trajneri i Tiranes, Ilir Muca, deklaroi: "Jam i kenaqur me lojen qe zhvilluan djemte, te cilet i zbatuan shume mire detyrat e dhena dhe u treguan racionale ne loje."
Trajneri i Tepelenes, Luftar Guri, ishte mjaft i revoltuar, pasi, sipas tij, fitoren Tiranes ia dha njeanshmeria e gjyqtarit Janku.

VEZHGIMI YNE :

QE KLUBEVE ZINXHIR TE SK TIRANES TE MOS U MBETET VETEM EMRI DHE NGJYRAT BARDHEBLU !

Te gjithe e dine qe futbolli i moshave po kalon ditet e tij me te pashpresa,
pasi askush nuk i afrohet per ta ndihmuar. Po t'i shikosh klubet qe marrin pjese
ne kampionatet e moshave si U 17 dhe U 19, nuk befasohesh, sepse te gjithe mbajne emrat e
skuadrave te para, te cilat luajne ne kategorite elitare. Por e verteta e ketyre ekipeve te te rinjve
eshte e hidhur, se ata gezojne vetem emrin nga "nena", pasi i trajtojne si te njerkes. Nje nga keto ekipe
eshte edhe ai i te rinjve te Tiranes, i cili si fanelle te pare dhe te vetme ka ate bardheblu, qe, per cudi,
jane vete lojtart qe i blejne dhe jo klubi. Sipas trajnerit te ketij ekipi, Ilir Muca, ndihma qe marrin nga klubi
eshte shume e vogel, pothuajse e paperfillshme, pasi i vetmi privilegj eshte nje e ashtuquajtur fushe,
si ajo e "Ali Demit", te cilen klubi ua ka lene te rinjve per stervitje. Eshte vertet per te ardhur keq kur
degjon e shikon se edhe klubi me i pasur i Shqiperise, Tirana, nuk e perkrah futbollin e moshave te te njejtit
trung familjar. Ky realitet, ne pamje te pare, duket mosbesues, duke ditur sesa harxhon ky klub per rrogat e
lojtareve, premiot, grumbullimet para ndeshjeve ne hotelet me luksoze e plot e plot gjera te tjera, qe kane lidhje
vetem me ekipin e pare, se per te rinjte keto jane molle e ndaluar. Po sipas trajnerit, gjithe ecuria e ekipeve te
moshave vjen fale kontributit te vete lojtareve dhe punes se trajnereve qe i stervitin.
"Femijet jane te detyruar
qe gjithcka ta perballojne me forcat e tyre, qe nga uniformat deri te shpenzimet e udhetimeve neper rrethe.
Megjithese kemi keto veshtiresi, ne nuk ndalemi, pasi detyre kryesore per ne trajneret e moshave eshte te
pergatisim dhe te nxjerrim sa me shume talente per te miren e se ardhmes se futbollit tone," u shpreh trajneri
Muca.
Ne te vertete, ekipet-zinxhir te Tiranes (megjithese mire eshte te mos quhen te tilla derisa klubi nuk i
ndihmon) i kane dhene ekipit te pare cdo vit elemente te rinj cilesore dhe me te ardhme. I fundit nga kjo
fidanishte qe ka dale dhe i eshte bashkuar Tiranes, eshte i riu Fagu, i cili arriti te luaje ne
Ligen e Kampioneve kunder CSKA se. Ky eshte absurditeti i futbollit tone, ku ekipet e para marrin kur te duan
nga ekipet e moshave, por kur vjen puna per te dhene per te rinjte rezervohen, ose me mire s'japin asgje.
Valle nje klubi kaq te fuqishem si Tirana, cfare do t'i kushtonte sikur te harxhonte per
ekipet e te rinjve (me dashje apo padashje mbrojne ngjyrat bardheblu) nje shume te atille, te pakten sa
per bazen e nevojshme materiale. Nuk mund ta quash ndihme edhe fushen qe klubi u ka dhene te rinjve,
pasi ajo eshte ne nje gjendje te amortizuar, sepse askush nuk perkujdeset per mirembajtjen e saj.
Kur kjo situate mbizoteron te te rinjte e klubit me "bos", cfare mund te presim nga ekipe te tjera,
qe po mbijetojne me "buke te marre me vete nga shtepia"?

Dje ne mesdite, ne Nyon te Zvicres eshte hedhur shorti i Kupes se Kampioneve te futbollit ne salle. Ne kete short, kur behet fjale per edicionin futbollistik 2006 2007, merrte pjese kampionia e Shqiperise, Tirana, e cila ne finale pat mundur Flamurtarin, 7 2. Per bardheblute, pjesemarrja ne Kupen e kampioneve eshte e dyta, kur per here te pare kane konkurruar ne sezonin 2004 2005. Dhe, ashtu si ne pjesemarrjen e pare, kjo dhe mbi bazen e shortit te hedhur dje ne mesdite, edhe kete sezon Tirana perseri do te marre pjese ne turin paraeliminator. Tirana ndodhet ne grupin C, aty ku ka per kundershtare FC Mlladost Sofje (Bullgari), Hibernians (Malte) dhe Skovde AIK (Suedi).
Ndeshjet, gjithnje mbi bazen e shortit te kupes se kampioneve, do te zhvillohen ne Sofje te Bullgarise, me 9 17 shtator 2006. Nga ky grup, ashtu si dhe nga tre te tjeret, skuadra qe renditet e para vazhdon ne turin tjeter. Qe do te thote se fituesja e grupit C do te jete ne grupin e trete te turit te pare, aty ku jane MNK Split (Kroaci), Athina’90 (Greqi) dhe Araz Naksivan (Azerbajxhan).
Ndeshjet e ketij grupi, sic dhe eshte caktuar nga shorti i hedhur me pare, do te zhvillohen ne Split te Kroacise, me 9 15 tetor 2006. Keshtu, ndryshe nga cfare mendohej, Tirana eshte ne turin paraeliminator, ndersa gjerat tashme jane veshtiresuar per te shkuar me tej. Sepse, nese deri vjet kalohej ne turin e pare edhe duke u renditur i dyti ne grup, tashme duhet te fitosh te gjitha ndeshjet per te arritur objektivin, pasi kualifikohet vetem nje skuader. Dhe, duke u zhvilluar ndeshjet ne Bullgari, per me teper qe te tre kundershtaret e Tiranes jane te panjohur nga kryeqytetasit, gjerat per bardheblute behen shume te v-shtira.

SK Tirana - Kampion Kombetar per te dyten here !

Tirana shpallet kampione e Shqiperise ne minifutboll. Skuadra e drejtuar nga Agustin Kola ka mposhtur 7-2 ekipin e Flamurtarin, ne nje ndeshje plot tension si ne fushe ashtu edhe ne shkallet e Asllan Rusit.
Tensioni arriti kulmin kur ne fushe u futen tifoze vendas te cilet ushtruan dhune mbi lojtaret e skuadres se Flamurtarit. Vlonjatet kane kaluar te paret ne avantazh me ane te Karlo dhe disa minuta me vone rezultati dyfishohet fale golit te Begas. Por tensioni dhe me pas sherri ne fushe duket se coroditen disi lojtaret e Flamurtarit. Pas ketij momentin Tirana zgjohet dhe shkurton diferencen e golave me ane te Sines. Ne pjesen e dyte basrheblute jane me te qarte ne veprimet e tyre duke shenuar dhe 6 gola te tjere ne porten e Flamurtarit duke e cuar ne favor te tyre 7-2. Duke mos mjaftuar vetem sherret e pjeses se pare, Flamurtari largohet nga fusha e lojes 11 minutat para perfundimit te ndeshjes, ne shenje proteste te nje vendimi te gjytarit. Ky eshte titulli i dyte per Tiranen e cila kete sezon do te perfaqesoje Shqiperine ne kompeticionet europiane. Sezonin e kaluar titullin kampion e fitoi Dinamo.

A.Zijai (President i Fed. Minifutboll): Kampionati nuk duhet te perfundonte ne kete menyre, por largimi nga fusha i skuadres se Flamurtarit do te shqyrtohen ditet e ardhshme nga komisionet tona. Persa i perket masave organizative mund te them se ato ishin marre. U lajmeruan te gjitha organet. Mund te them se ne pergjigjemi vetem per ate cka ndodh ne fushe, ku lojtaret denohen me kartona, ndersa per pjesen tjeter nuk mund te diskutoj.
A.Kola (Trainer i Tiranes): Kampionati i sivjetshem ka qene shume i forte dhe kjo u pa mjaft mire ne ndeshjet e fundit. Dua te falenderoj te gjithe djemte e skuadres te cilet dhane gjithshka ne fushe.
Ate cka nuk beri Tirana e madhe ate beri Tirana e vogel.
A.Kola: Ne si staf drejtues, une se bashku me Mirel Josen nuk e morem Tiranen e madhe ne fillim te sezonit, nese do te ishim qe ne fillim drejtues te Tiranes, atehere mund te them se ne tani do te ishim kampion edhe ne Superlige.

Kampionet bardheblu e mbyllin aventuren europiane vetem me kalimin e nje turi.

Pas suksesit te arritur me kualifikimin per ne turin e pare te Kupes Futsal,kampionet e Shqiperise,SK Tirana,dihej qe ndesheshin ne grupin 6,nje grup ky mjaft i forte ku spikasin skuadra si Dinamo e Moskes,3 here kampione ne Futsal dhe Baustal e Polonise,qe luan para
publikut te saj.Ne diten e pare kampionet shqiptare u ndeshen me Dinamon e Moskes ne Krakow te Polonise nen drejtimin e Agustin Koles.Kjo ndeshje perfundoi me fitoren e thelle te ruseve 23:2.Per skuadren tone golat e vetem u shenuan nga Resuli 19' dhe Mullaj 21'.Diten e dyte,me dt.6 Tetor,kampionet tane zhvilluan ndeshjen e dyte ne grup perballe vendasve te KS Baustal.Pas nje loje te forte polaket arriten te fitojne me rezultatin 6:3.Golat per skuadren tone u shenuan nga Hysa 7' dhe 34' dhe Kalari 10'.Kjo beri qe SK Tirana te eliminohet per me tej,pavarsisht se ishte per tu luajtur edhe nje ndeshje tjeter.Keshtu,Dinamo Moskes (qe fitoi po dje 8:1 me Iberia te Gjeorgjise) dhe Baustal kryesonin grupin dhe ndeshja mes tyre do te vendoste fituesin e grupit 6.SK Tirana dje u ndesh perballe FC Iberia te Gjeorgjise,ku pretendohej te merrnim nje rezultat pozitiv.Por,pavarsisht se te dy skuadrat luajten pa motive,gjeorgjianet fituan 7:5 dhe zune vendin e trete ne grup,ndersa skuadra jone vendin e fundit me 0 pike e golaverazh negativ 10:36.Nga Grupi 6 del vetem nje skuader qe fiton te drejten per me tej.Keshtu,pas fitores direkte 3:0 ne ndeshjen midis tyre me KS Baustal,Dinamo e Moskes kalon me tej.I falenderojme cunat per shpirtin e gares qe dhane ne keto eliminatore duke qene e para skuader shqiptare qe kalojme nje tur ne nje aktivitet te ri ne Shqiperi dhe per paraqitjen dinjitoze.Tashme nuk na mbetet vec ti urojme suksese ekipit tone kampion ne sezonin tjeter!

Rezultatet perfundimtare (Final results) :

Oct.5:MFC Dinamo Moscow (RUS) - SK Tirana 23:2
Oct.6:KS Baustal (POL) - SK Tirana 6:3
Oct.8:SK Tirana - FC Iberia 2003 (GEO) 5:7

Renditja Grupit 6 (Table Group 6) :

1.Dinamo 9 pts.
2.Bautsal 6 pts.
3.Iberia 3 pts.
4.Tirana 0 pts.

KF Tirana U-17 - kampione për sezonin 2006-2007 !

Tirana - Lushnja 2 : 1

Tirana: Kuka, Përpunja, Gjuzi, Kuçi, Çeliku, Jata (Mersini 63'), Duqi, Gjipali, Muço (Hoxha 62'), Zalta, Krashi (Nurja 41').

Trajner: B.Vladi Lushnja: Çako, Pupe, Pepa, Ruci, Gega (Çaushi 65'), Veliu, Baze, Liçka, Gjika, Çemeri, Tashi (Koreshi 53'). Trajner: G.Taullau

Shënues: Kuçi 2', Licka 10', Veliu (aut) 17'

Gjyqtarë: E.Dobi (Durrës), L.Mustafaraj, R.Avdo (Tiranë)

Kartonë të verdhë: Gjuzi, Jata / Liçka
Karton i kuq: Gjuzi

Tirana për paratërinj u shpall dje kampione, pasi mundi në finale Lushnjën, me rezultatin 2-1.

Ky takim u zhvillua në stadiumin "Selman Stërmasi", një finale midis ekipive të Tiranës dhe Lushnjës, të cilat kishin dalë në vendin e parë në grupet përkatëse. Takimi ngjalli interesimin e mjaft sportdashësve, të cilët kishin ardhur për të ndjekur lojtarët e të ardhmes së futbollit shqiptar. Loja filloi menjëherë në sulm për Tiranën. Në minutën e dytë, pas një aksioni të rrjedhshëm, Kuçi gjendet i lirë brenda zonës dhe shënon pa vështirësi, 1 0 për bardheblutë. Lushnjarët nuk demoralizohen dhe sulmojnë menjëherë. Pepa godet me kokë pas një krosi nga e djathta të Gjikës, por topi përfundon pak centimetra mbi tra. Të dy ekipet luajnë të hapura me dëshirën për fitore. Në minutën e 10-të vjen dhe goli i barazimit, ku Pupe depërton në qendër të zonës dhe topi i gjuajtur prej tij devijohet nga një mbrojtës dhe shkon tek Liçka, që godet saktë dhe barazpeshon gjithçka. Miqtë, pas golit të barazimit, i presin bardheblutë në gjysmëfushën e tyre dhe kundërsulmojnë rrezikshëm. Në një prej rasteve, Gjika gjendet i lirë në hyrje të zonës, por godet lehtë. Eshtë minuta e 17-të dhe Tirana dyfishon rezultatin. Duqi gjendet përballë portierit Cako dhe në momentin e goditjes, ndërhyn Veliu, i cili detyrohet të shkaktojë një autogol, duke ndëshkuar ekipin e tij. Tirana gjendet përsëri në avantazh dhe në vazhdim administron mirë lojën. Ndërkohë, Lushnja nuk pajtohet me rezultatin dhe hidhet në sulm. Në fundin e pjesës së parë, organizatori Baze, pas një goditje dënimi nga krahu i djathtë, gjuan bukur, por topi gjen duart e portierit Kuka. Me shifrat 2 1, skuadrat i drejtohen dhomave të zhveshjes. Pjesa e dytë, ashtu si fillimi, nis më mirë për Tiranën.

Nga një aksion i nisur nga krahu i djathtë, Muço jep një asist me kokë për Zaltën që gjuan bukur, por kundërpërgjigjet me të njëjtën mënyrë portieri Cako. Pas këtij rasti, janë paratërinjtë lushnjarë që marrin në dorë frenat e lojës. Mesfushori Pupe godet një top në formë parable, por Kuka grushton në trekëndëshin e djathtë të tij, duke nxjerrë topin në korne. Vazhdimi i lojës do të jetë një duel i sulmeve lushnjare me mbojtjen bardheblu. Organizatori Baze shkarkon të majtën e tij nga rreth 25 metra, duke vënë në vështirësi portierin Kuka. Janë minuta që flasin për Lushnjën, që është hedhur e tëra në sulm për të shënuar golin e barazimit. Tirana, që pjesën e dytë e ka bazuar lojën tek kundërsulmi, rifreskon vijën sulmuese me Hoxhën, ndërsa trajneri Taullau ndërron skemë duke luajtur me tre sulmues. Pepa ka rastin më të mirë për të barazuar, ku nga një goditje këndi, gjendet i lirë pak metra para portës, por gjuan jashtë. Për Tiranën vështirësohen gjërat, kur në fund të takimit gjendet me 10 lojtarë, pas daljes me karton të kuq të Gjuzit. Lushnja kërkon golin, por mbrojtja e ngjeshur e Tiranës dhe portieri Kuka, që ishte në një ditë të mirë, nuk lejojnë të ndryshojë rezultati.

Përfundimisht 2 1 dhe Tirana e drejtuar nga Besim Vladi është kampione e Shqipërisë për U 17. Një sukses i merituar ky për bardheblutë, të cilët edhe në takimin e play-off-it arritën të mundnin Shkëndijën e Tiranës. Thanë pas ndeshjes: Besim Vladi, trajneri i Tiranës: "Ishte një rrugë e gjatë, por që në fund ia dolëm me sukses. Në ekip ka lojtarë të talentuar që do të jenë e ardhmja e futbollit. Përgëzoj dhe Lushnjën, që ka një ekip mjaft të mirë dhe sot zhvilloi një ndeshje të bukur." Zalta, kapiteni i Tiranës: "Jam shumë i gëzuar që u shpallëm kampionë. Suksesin e arritur ua dedikoj çunave dhe padyshim profesorit për punën e palodhur." Gafurr Taullau, trajneri i Lushnjës: "I uroj Tiranës suksese. Besoj se të gjithë e panë që jemi një ekip i mirë dhe me të ardhme. Kjo është më e rëndësishmja për ne." Të veçanta: - Kupën, kapitenit të Tiranës Zalta, ia dorëzoi shefi i sektorit të të rinjve në FSHF, Ilir Shulku. - Tifozët e Tiranës duartrokitën pas mbarimit të ndeshjes lojtarët lushnjarë për lojën e bukur që zhvilluan.